الرئيسيةاليوميةمكتبة الصورس .و .جبحـثالتسجيلدخول

الان على منتديات الفنانه ملاك الصراف الرسميه للاعضاء فقط يمكنكم مراسلة الفنانه ملاك الصراف على الخاص اسم نكها الفنانه ملاك فقط ومع تحيات ادارة المنتدى


شاطر | 
 

 قصيدة فراق قويه

اذهب الى الأسفل 
كاتب الموضوعرسالة
دلوعة المنتدى
Admin
avatar

انثى ~مشاركاتي~ : 320
~نقاطي~ : 408
~سمعتي~ : 1
تاريخ التسجيل : 09/08/2010

مُساهمةموضوع: قصيدة فراق قويه    الخميس سبتمبر 02, 2010 2:50 am

السلام عليكم ورحمة الله وبركاته

قصيدة رائعة عن الفراق

عقب البطا لاقيت ظافي الجديلات = ياليتنا عقب البطا ماالتقينا


سلمت وقلت لنور عيني سلامات = وش غيًرك ويش السبب ما تبينا


دنق وقال ارجوك إنه العلاقات = شيٍ حصل ماعاد هو في يدينا


قلت السبب قال الليالي غريبات = إنه العلاقه واعتبرنا انتهينا


انا بحبل انسان ماهي دعايات = ارجوك ابعد خايف انًه يجينا


طالعت فيه وهلت العين عبرات = في ساعةٍ غصبٍ علينا بكينا


حاولت اعبر عن همومٍ خفيات = بس الحكي شيفيد مهما حكينا


كتمتهن بالجوف لوهن قويات = راضي على ماصار لو مارضينا


وآخر كلامه قال لي كم كلمات = لاتسيء ضنك في غصبٍ علينا


ولف العباه وراح وانا بحسرات = فرقاًجرت من غير ذنبٍ جنينا


وقفت اخايل غض الأنهاد لحظات = فيهن تهدم كل شيٍ بنينا


وقمت اتذكر كل شيٍ لنا فات = قبل ايتغير بالمحبه حدينا


ياما سهرنا بأظلم الليل ساعات = وياما طلع نور الفجر مادرينا


وياما لنا فوق المراقيب ذكرات = وعلى جبال الزور ياما رقينا


وياما تحملنا الصعوبات مرات = وياما على سود الليالي شكينا


على زمانٍ فات جريت ونات = لو هن على ضلعان مكه تلينا


اقرا الموادع بالقصص والروايات = لاشك ماضنيت بيصير فينا


وارجع واكرر كلمةٍ لي بسكات = ياليتنا عقب البطا ماالتقينا


الــــــــــــــــــجزء الثــــــــــــــــــاني


تكررت عقب البطا والتقينا = من عقب مامرن سنينٍ طويلات


في صدفةٍ فيها حشا مادرينا = ولاهقينا نلتقي عقب مافات


لاشك جابتها الليالي وجينا = رغم الفراق ورغم ذيك المسافات


في موقٍف بان التوتر علينا = لحظه تلين إبها القلوب القويات


قالت شلونك قلت ربك عوينا = الحمد لله عاضني عقب لوعات


الله رزقني في هنوفٍ تبينا = احيت خفوقٍ كان بعداد الأموات


هي نور عيني فرحتي والضنينا = ألقابها عن ظيقة الصدر سجات


قالت سليت وقلت عقبك سلينا = لكن عقب مالاعنا الحب مرات


قالت شلون وقلت لاتسألينا = مافات فات ولا تفيد الحسوفات


قالت تكلم قلت مهما حكينا = الدمع ماينفع عزيزٍاليامات


قالت نسيت وقلت لامانسينا = لكن قنعنا والقناعه من الذات


قالت أروح وقلت وش في يدينا = روحي عسى في كل خطوه سلامات


بصبر على فرقاك مهما حيينا = ولا تشوه صادق الحب زلات


قالت على ماكنت دنيا ودينا = تكرم ونكرم عن دروبٍ رديات


قلت اسمحيلي قبل لاترحلينا = يم الديار اللي علينا بعيدات


تراي ذخرٍ لاحدتك السنينا = اجيك مهما واجهتني صعوبات


من اليوم اخوك وغيرها ما بغينا = كلي فداك ان صار بالوقت ميلات


وتبسمت بإعجاب مدري حنينا = وتهشمت قدام عيني بعبرات


قالت فمان الله قلت انتهينا = واقفت تكلم نفسها بس بسكات


وقفت تقديرٍ لها ثم مشينا = دربٍ مشوه اهل القلوب العفيفات


امشي واردد ليتنا ماالتقينا = وش جابها عقب السنين الطويلات




الرجوع الى أعلى الصفحة اذهب الى الأسفل
http://malak-al-sref.yoo7.com
فهد
ملوك نشيط
ملوك نشيط
avatar

ذكر ~مشاركاتي~ : 161
~نقاطي~ : 182
~سمعتي~ : 0
تاريخ التسجيل : 01/09/2010
~العمر~ : 33

مُساهمةموضوع: رد: قصيدة فراق قويه    الخميس سبتمبر 02, 2010 7:57 am

على زمانٍ فات جريت ونات = لو هن على ضلعان مكه تلينا

عجبني اكثر شي هالبيت وعور قلبي

مشكوره على القصيده القويه
الرجوع الى أعلى الصفحة اذهب الى الأسفل
شاعر الملاك
ملوك جديد
ملوك جديد


ذكر ~مشاركاتي~ : 9
~نقاطي~ : 15
~سمعتي~ : 0
تاريخ التسجيل : 01/09/2010
الموقع : حول هام السحب

مُساهمةموضوع: رد: قصيدة فراق قويه    الخميس سبتمبر 02, 2010 11:26 am

يعطيك الف عافيه
الرجوع الى أعلى الصفحة اذهب الى الأسفل
 
قصيدة فراق قويه
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
 :: ¤©§][§©¤][الاقسام الادبيه ][¤©§][§©¤ :: قسم الشعر والقصائد-
انتقل الى: