مجموعة ابيات 2

موضوع: مجموعة ابيات 2 الخميس سبتمبر 02, 2010 9:32 am

حقيقه صفحتى بيضا ولاعمرى جرحت انسان..اساير وقتى القاسى بصبرى وغيض عدوانى..ولااذكر شكيت الحال لأى انسان مهما كان..اخفى قصة الحرمان على القاصى وعلى الدانى..اجامل وابتسم للناس وانا كلى شقا واحزان..اقاوم دمعي وتفضحني عيوني

لو الارض تحس بحسرتي يوم فرقاك..يمكن تجف بحورها من زعلها

غب واعتبر كل شئ بيننا تسليه.. لاتحسب اني بعد فرقاك اظل احتريك.. لاانت بطموح سرقت ذهني.. ولا انت امنيه.. مالت على قلب من حبك ومالت عليك

على بالك ابي ارضيك على بالك ملكتيني

انا غيرك يابنت الناس وتوك ماعرفيتيني

تغلى وزود على نفسك مردك لي وبتجيني

لولا المحبة لا أجيب عاليك وااطيك.. أركد حبيبي لايغرك غلاك

فقدتك "فاقدالفرحه"تخونه صادق البسمات يبي يفرح يبان الحزن بعيونه

يااه..كل هذا الموت فيك وانت حي؟..ليه ساكت؟ياخي قل لي اي شي..قبل تتقفل في صوتك كل ابواب الكلام..وينفتح جرح في قلبك يستفزك للسلام..السلام اللي يودي ومايجيب..غير نفس كل مااشرق همها..عيا يغيب!!

هذي خاينها حبيب..هذي عاشقها هجرها..هذي ميته في هذاك..ماحكت له من خجلها..هذي مسكينه طعنها..الف طعنه في ظهرها..قدمت كل غالي..وللاسف..راح وخذلها..وهذا مجنون بهواها..بس محتار بامرها..لو طلبها يرفضونه..وان تركها ضاع املها..هذي تشكي..وهذا يبكي..لعن ابوعشقن قهرهم.

وكان ظنك بي على الفرقى حزين..خاب ظنك مثل ماخبتي معه

اخطيت يوم اني طلبتك حنانك لا صرت فاقد شي وشلون تعطيع ..مهما نطق لي بالمشاعر لسانك شي بدون احساس ماقتنع فيه ..احساسك المصنوع خنته وخانك جاملتني به وانت تجهل معانيه مني نصيحه تنفعك في زمانك الا شعورك لا تبيعه وتشريه

جات بعد عامين تنشد كيف حالك قلت طيب بعدها غمضت عيني خفت لاتلمح بعيوني شخص هالك اهلكه طول الغياب ومات فيني الله لايوفق عدوك وش طرالك؟ ليه صدقتي الكذوب اللي حكالك؟وليه اصلا مارضيتي تعلميني؟صدقيني يالجواب الي في بالك مايعوض مافقدته من

سنيني كل هذا وتساليني كيف حالك!مايخصك زين يالله فارقيني

تزعل بدون اسباب تبغيني ارضيك.. اضرب براسك كل حيط تشوفه..

صحيح غالي يوم انا كنت مغليك.. لكن غلاك اليوم اصبح حسوفه

عطيتك كل ما املك ولا فكرت بالمردود ...

وكلما تصدمني بجرح اقول احباب طوفها

بكيتني وانا احسبك تكره بكاي .. اثرك تلذذ في دموعي وانا ابكي

اكرهك واحبك ولا ابيك وابيك .. لخبطت فكري ماعرفت الحقيقه

ودي اشوف من صار بعدي حبيبك .. وتشوف حالي بعدما حنا افترقنا

يا ابن الحلال انت وش تبقى بهالدمعه..

بتموت ولا شفت دمعة ذل في عيني

شفتك معه وصديت عنك واقفيت ..

اخاف اموت من القهر في مكاني

لاتشتكي هالوقت معروف تاليه .. هالدنيا والله ماتساوي كدرها

نفسي اعرف غلطتي وشهي معك..قبل ابتعد عن حياتك واستخير

ابيك بس لحضه معي وانت صديت .. وش فايده نجوم الليل لاقفى قمرها

لاعاد تذكرني ولا عاد انا اطريك .. خل الجفا والبعد مسك الختامي

لحضه هنا مفروض توقف وتفهم .. انك تموت ولا تثير اهتمامي

ماينحني راسي مادام مرفوع .. واذا انحنى راسي برجلي وطيته

لاتفرحين بضيقة الخلق يابنت .. بكره تبدل ضيقتي بابتسامه

كانك على قولك تمنى لي الخير.. ساعدني انسى حبك اللي خذاني

لابد يوم يجي وتواجه الدمعه .. اما على جيتي والا على فراقي

توقعت ان بفراقك تقوم الدنيا وتقعد .. واثاري الفرقى عاديه ولا حسيت بفراقك

انا السما وانتي مثل واطي القاع .. مهما كبرتي بالمساحات تحتي

اضحك ولا كل الوجيه احترمها .. بعض الوجيه اهينها بابتسامه

انا اذكر يوم جيتيني وبصدرك نزيف طعون

سحبت السيف ابفزع لك وبسيفي طعنتيني

كمل جميلك واحفر القبر لاهنت .. وشلون اعيش بدنيتي دون لقياك

ياصاحبي ماهي حكاية كرامة .. حنا خسرنا بسبتك ناس غالين

ادري انك تحب الخاين اللي غدربك ..

بس كمل طريقك وارفظه من حياتك

تمطر لغيري من حنانك سحابك .. ويموت قلبي ظامي بين اياديك

دمعن تناثر واتعب الكف لمه .. ومن حيرتي قمت امسح الدمع بالدمع

الا الوفا ماله بقلبك بقايا .. عند الذي مثلك اظن الوفا عيب

ودي قبل موتي ارد اعتباري .. اخاف اموت وخاطري منك مكسور

اللي ستر عيبه عن الناس بهدوم .. وش يستره لاصار عيبه كلامه

ياشينها لاصرت للناس محتاج .. تصغربعين الناس من شان حاجه

جيت المكان اللي قعدنا به اوقات .. وعجزت اقعد في مكاني دقيقه

كانك تبين الصدق والصدق يرضيك … لا عمري حبيتك والا لك موده … وما قد طلبتك حب والله يخليك … وماقد فتحت الباب حتى اسده … هذا انا طبعي ان كان يرضيك … قلب مغرور ما رضخ لاي وحده … وكانك تبيني صدق فالله يحييك … انتي مثل ضيفٍ صعيب ارده … وكوني اكيده لا قفيتي بخليك … وشهو المفارق غير كفي امده

كانك نويت الهجر ؟ قبلك نويته .. قربك غدى في ناظري مثل فرقاك .. ماعاد أبي وصلك وحبّك نسيته .. غيرك كثير وراحة القلب جفواك .. ماوالله أحدٍ في حياتي رجيته .. لاتنتظر لحظه أجي وأترجّاك .. حبّك رحل عن خافقي مابكيته .. لاتحسب إنّي ميّت فيك وأهواك

ابي اشوف بفراقي شلون حالك..وش صارلك ووش جاك؟

احلى لحظه عندي لحظه غيابك..ولو تظن اني برجعلك ظن بس بخيالك

من قال إني لقربك يوم ناوي يشهد الله إن قربك ما طريته .. ولاتظن قلبي لك مشتاق وهاوي نسيانك لاتحسبه صعب تراني قويته .. خلك مع اللي تحبه دوم وخاوي ماكل من قال أحبك رحت وهويته .. ويكفي ما أبي منك لادمع ولا رجاوي وبعد تراك في حياتي ماضي وطويته

بعيونك القى كل عمري والايام .. وبفراقك يموت الامل في حياتي

تقول ساعدني وانا اقول وشلون .. لو اقدر النسيان ساعدت روحي

خل العناد اللي براسك يولي .. اخاف لاتصغر بعيني واخليك

شافوه بعيوني وقالوا فضحته .. وشلون لو شافوا بقلبي طعونه

يا ابن الحلال السالفة لو تأملت .. ماهي باكثر من شقاوة طفوله

يا ابن الحلال السالفة لو تأملت .. ماهي باكثر من شقاوة طفوله

من قدر الايام جيتك كارهن نفسي .. لوقلت وش فيك بكيت وقلت محتاجك

تكفون خلوه يزعل لاتراضونه .. والله ليبطي وهو ماجاه مرسالي

قبل السفر ودي بنظرة اخيرة .. اعيش فيها باقي العمر واموت

وش يقول اللي قضا عمره حساب .. ينتظر موته وموته مالفا

هونتها لكنها عيت تهون .. لاقلت راح الهم الاقيه قدامي .. فيني الم ما مر في قلب مطعون .. فيني حزن ما مر فعيون الايتام .. عاقل ولكن طحت في وقت مجنون .. لا اخوان في جمبي ولا حولي اعمام .. واللي ابي عونه لقيته يبي العون .. اصحاب انا والهم واحباب ونمون .. ماهي صداقة يوم هي عشرة اعوام

علا قتنا بدت كذبه وصارت بالهوى اوهام وين الحب وكل واحد بدا يكذب على الثاني.. علاقة حب مابيها شبعت اجروح مع آلام .. شبعت من السهر شوفي غموضك وين وداني

ماكنت اقصر فيك من كثر الاعجاب .. يومك تساوي عندي الكون كله .. كنت القريب وكلهم كانوا اغراب .. حتى القمر لاغاب شفتك محله .. خلاص لاترجع ترا خاطري طاب .. ابي طرا اللي كنت عايش بظله .. رح واعتبرني واحد اذنب وتاب ..ماني بثوب تلبسه ثم تمله

جبتها عالجرح وكنك مادريت.. وأنت قاصد ماهي عالنيه صدفت..والدليل انك تبسمت ومشيت..وانا انادي لك ولا يمي التفت..من عرفتك وانت تجرح مااكتفيت..دنيتي وهي دنيتي مني اكتفت..اقوى صدمات من ايدينك خذيت..هذي صدمات وجديدة شرّفت

وش الي جابني ابالك ماصدقت انا انساك حسبتك رحت في فالك وطويت بدنيتي ذكراك وش الي ذكرك فيني بعد ماكنت ناسيني غريبة انتا هذا انتا تجيني وتمدلي يمناك جيتني شايل احزانك وهم الدنيا فعيونك مدري الوقت اهو خانك والا الي يحبونك

لو فرضنا الكون في كفي اليمين ..لو فرضنا الجن في كفي الشمال ..لو فرضنا البحر في جوفي اسير ..لو فرضنا الشمس تطلبني السؤال ..لو فرضنا خادمي ذاك الامير..لو فرضنا امتلك ذاك الجمال ..لو فرضنا كل ما قلته يصير..وامتلكت الكل في كفوف الخيال..صدقيني ارميهم مثل طفل صغير ..رمى العابه يوم صحتي له تعال

تحسبيني على خبرك؟؟..اموووووووت اموووت واحيا بك؟؟..انا لو مانسيت الود..ماانسى انك خذلتيني..ذبل ورد الامل فيني ومات الوعد بترابك..وبقيتي مثل ماانتي بعيده لو سكنتيني..وكيف يسامحك جرح السنين ورحلة اعتابك..خسرتي كل شي ادري ..ومع هذا خسرتيني..

باتركك للوقت انت وضميرك اما تغيب العمر..والا تجيني..

جمعت الشعر واحرقته..تبين لي مع الدخان..

حروف اسمي تضم اسمك وتبكي ليلة الفرقا..

الحب بلوى وبعض الخلق بالينه..تحمدي ربك لسترك وعافيتك..

الحب لعنه وهذي اصدق عناوينه..ياليتك ماطحتي فيه ياليتك..

اذكريني لا لمحتي في ليالي البرد نار..

واذكريني لاسمعتي للمطر صوت حزين..

ترى طابت النفس منك..ماابيك انا لو الهنا بايدك ومنك..ياقوية الباس ..ياللي بلا احساس..ماخبرت الحب ينداس..وماهقيت اني جرحتك

اشوف لك في كل شي بقايا..في ضحكتي..في دمعتي..في قصيدي

نفيض اخلاص نعطي من محبتنا بدون حساب..

نحسب الناس كل الناس نسخه من طبايعنا

تدري يوم احنا نتباعد كل هالدنيا واهلها..

يفقدون انسان واحد وانا افقد الدنيا كلها..

انتي بنيتي الحب وانتي هدمتيه..الله اكبر من يسوي سواتك..لبستي الحب ومره فصختيه..هذا الهوى لاتحسبينه عباتك..

الله اقوى يوم قلبك قوى تجرحين القلب وتالي تهجرين تذكرين الوقت يومنا سوى في هجيع الليل يومك تحلفين قلبي المسكين صدق وارتوى عايش بالحلف من ذاك اليمين اتجرع مر واقول يادوى صابر والله يعين الصابرين انكشف غدرك يوم انه ضوى اطلبك جنبى وانتي تبعدين؟ ارحلي يابنت مالي بك هوى وجرحي المسكين تبراه السنين

تدرون وش يعني لا قالوا تحطمت ..ومتى عرفت انه خلاص انتهينا..ساعة لمحت عيونها ثم تقدمت ..وصدت نست مافات بنت اللذينا

ماعاد تفرق لو تجي صدمتي فيك ..صدمات عمري زودتني مناعه.. متساويه عندي واذا قلت ماخفيك ..كل شي احبه اتوقع ضياعه

قويت بلحظة الوداع اداري دمعتي لاتطيح..

لكن يوم انا اقفيت عجزت وطحت انا كلي

من راح كيفه وكيفه يوديه..خله على كيفه وكيفه يجيبه..اللي يصد وهاقي اني باناديه..اقطع لساني لو لساني احكي به

على فكره..من اللي جابني على البال؟ من اللي ذكرك فيني وهدايا الشوق وسنيني ابد ماعلّمك اني نسيت جروح ظالمني تجيني بكلمتين جداد تظن انك بترضيني تقول اسف ومن عيني اراضي قلبك الزعلان تعلم بعدي النسيان وسلملي على جروحي وعطني قلبي وروحي وقول انك علي غلطان

الا ليت الكفن ثوبي الا ليت القبر محمل..لجل ابحر دجى موتي..واسخر من عمر فاني

روووووووعه

الاروع منها مرورج اختي

الحب بلوى وبعض الخلق بالينه..تحمدي ربك لسترك وعافيتك..

صدقت يالدب..

ماقصرت تحيتي

مشكوره على المرور اختي

يسلموووووو ع الكلمات رائعه وامثيره ما شاء الله
ـــــــــــــــــــــــــــــــــــــــــــــــــــــــــــــــــــــــــــــــــــ
ترا مهما قلت كلماتي فردووووود اعرف انه الموضوع اثار على اعجابي
لانه المثل يقول "خير الكلام ما قل ودل"
ــــــــــــــــــــــــــــــــــــــــــــــــــــــــــــــــــــــــــــــــــــــ
مجموعة ابيات 2 787599

اشكر مرورج العطر

» مجموعة ابيات 1
» # ابيات شعرية للشاعر حامد زيد #